Daha 7 nəfər torpağın təyinatına zidd istifadəsi ilə bağlı cərimələnib

Bəzi vətəndaşlar tərəfindən torpaqlar bilərəkdən və ya bilmədən təyinatı üzrə istifadə olunmur. Qanunu bilməmək isə məsuliyyətdən azad etmir. Həmin mülkiyyətçilər İnzibati Xətalar Məcəlləsinin müvafiq bəndinə əsasən cərimələnir, barələrində müvafiq tədbirlər görülür. Əmlak Məsələləri Dövlət Komitəsi də torpaq sahələrinin təyinatı üzrə istifadəsi, ərazilərin zəbt olunması və hasarlanması, münbit qatının korlanmasının qarşısının alınması ilə bağlı monitorinqlərini davam etdirir. Aparılan reyd nəticəsində daha 7 şəxs cərimələnib. 

Ardını oxu...

Bölgələri gəzəcək əmlakın yeni mobil qeydiyyatı ofisi işə düşdü

Əmlak Məsələləri Dövlət Komitəsinin “Əmlakını qeydiyyata al və mülkiyyətinə sahib ol” kampaniyası yeni və müasir formatda fəaliyyətə başlayır.  Belə ki, kampaniya çərçivəsində bölgələri gəzəcək əmlakın yeni mobil qeydiyyatı ofisi işə düşdü. Bu məqsədlə ən müasir texnoloji avadanlıqlarla təchiz edilən iri ölçülü nəqliyyat vasitəsi vətəndaşların xidmətində olacaq. Mobil qeydiyyat ofisi əvvəlcədən elan edilmiş yerlərdə, saat 9:00-dan 17:00-a qədər sakinlərin xidmətindədir. Bu vasitə ilə qeydiyyat sahəsində proaktiv xidmətlər birbaşa vətəndaşın olduğu məkana üz tutur.

Ardını oxu...

16 oktyabr hərracı: biri elektron olmaqla 9 əmlak üzrə 14 sifariş qəbul edildi

Məkan və vaxt fərqi olmadan müraciət imkanı ilə özəlləşdirmə hərraclarında sifariş və iştirak çox rahatdır. Heç bir yerə getmədən vətəndaşı əmlak sahibinə çevirən bu prosesə olan ictimai maraq isə  artmaqdadır. Əmlak Məsələləri Dövlət Komitəsi tərəfindən özəlləşdirmədə əlverişli fürsətlər yaradan hərraclardan biri də 16 oktyabr tarixində keçirildi. Qeyd edək ki, iştirakçılar tərəfindən 9 əmlak üzrə 14 sifariş verilmişdir. Vətəndaşlardan biri isə hərrac üzrə elektron xidmətdən-onlayn sifariş prosedurundan istifadə edib.

Ardını oxu...

Özəlləşdirmədə geniş seçim imkanı: 73 dövlət əmlakı hərracda

Hər kəs vaxt sərf etmədən, elə olduğu yerdəcə hərracda iştirak edib dövlət əmlakına sahib ola bilər. Bunu Əmlak Məsələləri Dövlət Komitəsinin vətəndaşlara təklif etdiyi onlayn qoşulma imkanı mümkün edir. Rahat, şəffaf mühitdə, heç bir məhdudiyyət və əlavə ünsiyyət olmadan sifarişçi arzu etdiyi əmlakı özəlləşdirə bilər. Müraciət prosedurları isə çox sadədir. İştirak etmək üçün kompüter və ya digər elektron resurslarla Özəlləşdirmə portalından seçim və sifariş etmək kifayətdir.

Ardını oxu...

 
 
 

Sorğu

"Kadastr kalkulyatoru" xidmətindən istifadə etmisinizmi?