Özəlləşmə nəticəsində daha bir sənaye müəssisəsi biznes obyektinə çevriləcək

Əmlak Məsələləri Dövlət Komitəsi respublikanın müxtəlif regionlarında yerləşən qeyri-neft sektoruna aid müəssisələrin özəlləşdirilməsi və özəlləşdirilmədən sonra istehsal proseslərinin genişləndirilməsi istiqamətində işlərini davam etdirir. Yeni iş yerlərinin açılması və regionların sosial-iqtisadi inkişafının daha da sürətləndirilməsi məqsədilə dövlət müəssisələrinin investisiya müsabiqələri vasitəsi ilə özəlləşdirilməsinə daha çox diqqət yetirilir.

Ardını oxu...

“Daşınmaz əmlakın qeydiyyatında yeni mərhələ: elektron çıxarışa keçid və onun xüsusiyyətləri” mövzusunda İctimai Təqdimat və dialoq keçirilib

Əmlak Məsələləri Dövlət Komitəsi tərəfindən aprelin 16-da “Daşınmaz əmlakın qeydiyyatında yeni mərhələ: elektron çıxarışa keçid və onun xüsusiyyətləri” mövzusunda İctimai Təqdimat və dialoq keçirilib. Tədbir qeyri-hökumət təşkilatları və media nümayəndələrinin, əmlak ekspertlərinin iştirakı ilə baş tutub. Məqsəd elektron çıxarışın faydaları, praktiki istifadə qaydaları və vətəndaşa verdiyi üstünlüklər barədə ictimaiyyəti məlumatlandırmaqdır.  Həmçinin daşınmaz əmlakların sənədləşdirilməsi istiqamətində vətəndaş məmnunluğunun daha da artırılması, habelə rahatlıq və çevikliyi təmin edən komitənin həyata keçirdiyi innovativ işlər, sosial layihələr, elektron xidmətlər barədə məlumatların ictimaiyyətə ötürülməsi əsas vəzifələrdəndir.

Ardını oxu...

Rəqabətli 16 aprel hərracı: 15 dövlət əmlakına 10-u elektron olmaqla 50 sifariş verilib

Əmlak Məsələləri Dövlət Komitəsi tərəfindən  16 aprel tarixində növbəti hərrac keçirildi. Özəlləşdirməyə çıxarılan dövlət müəssisələrindən 15-nə ümumilikdə 50 sifariş qəbul edilmişdir. Rəqabətli hərracda iştirak edən vətəndaşlardan 10-u seçdiyi dövlət əmlakı üzrə sifarişi olduğu yerdən elektron formada vermişdir. Budəfəki hərracda kiçik dövlət müəssisəsi, qeyri-yaşayış sahələri və nəqliyyat vasitələri özəlləşdirildi.

Ardını oxu...

Hərrac prosedurları elektron mühitdə: bu dəfə özəlləşməyə 58 dövlət əmlakı çıxarıldı

Dövlət əmlaklarının özəlləşdirilməsinə qoşulmaq üçün vaxt itirməyə və məkanı dəyişməyə ehtiyac yoxdur. Əmlak Məsələləri Dövlət Komitəsi tərəfindən təmin edilən innovativ hərrac imkanları ilə bu proses daha sadədir. Hərracdan öncə onlayn seçim və sifariş prosedurları ilə hər kəs rahatlıqla, əlavə ünsiyyət olmadan iştirakçı statusu qazanır. Olduğu yerdən hərraca qoşulmaq istəyənlər isə Elektron hərrac sistemindən istifadə edə bilər. Belə ki, dövlət əmlaklarının sifarişçiləri və prosesə marağı olan şəxslərin təyin olunan vaxtda onlayn formada hərracda iştirak imkanı var. Bunun üçün Komitənin Elektron Xidmətlər Portalında (e-emdk.gov.az) Elektron hərrac bölməsinə daxil olmaq kifayətdir.

Ardını oxu...

Əmlak Məsələləri Dövlət Komitəsində geniş müşavirə keçirilib

Əmlak Məsələləri Dövlət Komitəsi tərəfindən 2019-ci ilin yanvar-mart ayları ərzində görülmüş işlər və qarşıda duran vəzifələrə dair geniş müşavirə keçirilib. Azərbaycan Respublikasının Prezidenti cənab İlham Əliyevin rəhbərliyi ilə aparılan genişmiqyaslı islahatlardan danışan Komitə sədri Kərəm Həsənov qeyd edib ki, həyata keçirilən uğurlu islahatlar nəticəsində idarəetmə müasir dövrün tələblərinə uyğunlaşdırılır, xidmətlərin elektron müstəvidə vətəndaşlara çatdırılması prosesi sürətləndirilir, o cümlədən elmi-texniki tərəqqinin nailiyyətlərinin tətbiqi genişləndirilir, qanunvericilik bazası təkmilləşdirilir.

Ardını oxu...

QHT və media nümayəndələrinin nəzərinə!

Aprelin 18-dən artıq çıxarışların verilməsi elektron müstəviyə keçəcək. Kağız çıxarış dövrünə son qoyulur. Bununla bağlı Əmlak Məsələləri Dövlət Komitəsi tərəfindən “Elektron çıxarışın üstünlükləri və xüsusiyyətləri” mövzusunda İctimai Təqdimat keçiriləcək. Tədbir aprelin 16-sı saat 13:30-da baş tutacaq.

Ardını oxu...

Ölkə başçısının tapşırıqlarına əsasən istismara icazə verilən bina sakinlərinə mənzillərinə dair çıxarışlar ünvanlarında verilib

Azərbaycan Respublikasının Prezidenti İlham Əliyevin 2019-cu il fevralın 19-da imzaladığı “Bəzi çoxmənzilli binaların istismarına icazə verilməsinin sadələşdirilməsi haqqında” fərmanının icrası ilə bağlı vətəndaşların yaşadıqları ünvanda səyyar xidmət göstərilir, əmlaklarına dair çıxarışlar verilir, o cümlədən ilkin sənədlər toplanır.

Ardını oxu...

“Əmlakını qeydiyyata al və mülkiyyətinə sahib ol” kampaniyası yeni formatda Şamaxıda: həftə ərzində rayonun 4 qəsəbəsində mobil qeydiyyat xidmətləri göstəriləcək

Ölkədə leqal daşınmaz əmlakların sayını artıran və vətəndaşların daha rahat formada mülkiyyət hüquqlarını rəsmiləşdirən “Əmlakını qeydiyyata al və mülkiyyətinə sahib ol” kampaniyası davam edir. Əmlak Məsələləri Dövlət Komitəsinin keçirdiyi səyyar aksiya ilə daşınmaz əmlaklarını qeydiyyata almaq istəyən sakinlərin ərazi idarəsinə getmək ehtiyacı aradan qalxır.

Ardını oxu...

Daşınmaz əmlak obyektlərinə ünvan verilməsi necə aparılır?

Daşınmaz əmlak obyektlərinə ünvanların verilməsini əhatə edən xidmətlər Əmlak Məsələləri Dövlət Komitəsi tərəfindən Əmlak Xidmətləri Məkanında, Daşınmaz Əmlakın Kadastrı və Ünvan Reyestri Xidmətinin regional ofislərində və elektron formada göstərilir. Daşınmaz əmlak obyektlərinə ünvanların verilməsi və ünvan reyestri məlumat bazasından arayışların, ünvan xəritələrindən çıxarışların, digər ünvan məlumatlarının verilməsi üçün müraciətin və sənədlərin qəbul edilməsi məsələləri bu istiqamətdə göstərilən xidmətlərə aiddir.

Qanunvericiliklə müəyyən edilmiş qaydalarda torpaq sahəsi ayrıldıqda, daşınmaz əmlak obyektinin inşası və ya quraşdırılması aparıldıqda habelə, obyekt müvafiq qaydada istismara qəbul edildikdə, daşınmaz əmlak obyekti üzərində mülkiyyət hüququ tanındıqda daşınmaz əmlaklara ünvan verilməsi aparılır. Eləcə də, daşınmaz əmlak obyekti üzərində hüquqlar dövlət qeydiyyatına alındıqda, ayrı-ayrı hissələrə bölündükdə və daşınmaz əmlak obyektlərinin birləşməsi nəticəsində yeni daşınmaz əmlak obyekti yaranan zaman ünvan verilməsi xidmətləri göstərilir.

Ardını oxu...

Daşınmaz əmlaka dair çıxarışlar yalnız elektron qaydada veriləcək

Azərbaycan Respublikasının Prezidenti cənab İlham Əliyevin “Daşınmaz əmlakın dövlət reyestri haqqında” Azərbaycan Respublikasının Qanununda dəyişikliklər edilməsi barədə” Qanununun tətbiqi haqqında imzaladığı Fərmana əsasən daşınmaz əmlaka dair çıxarışlar yalnız elektron qaydada veriləcək. Bununla da kağız çıxarış dövrünə son qoyulur.

Aprelin 18-dən etibarən əmlakını rəsmi qeydiyyata almaq istəyən şəxs müvafiq olaraq müraciət etdikdə komitənin ərazi reyestr ofislərində çıxarışlar 1,3,7,10 iş günündə yalnız elektron qaydada hazırlanacaq. Elektron çıxarışlar isə Elektron Hökumət portalına yerləşdiriləcək. Hüquq sahibinin çıxarışı həmin portal vasitəsilə real vaxt rejimində əldə etməsi imkanı yaradılacaq. Daha sonra həmin çıxarış vətəndaşın “Elektron hökumət” portalındakı şəxsi kabinetinə yerləşdiriləcək. Şəxsi kabineti olmadıqda isə bazada saxlanılan çıxarış sonradan şəxsi kabinet yaradıldıqdan sonra avtomatik olaraq hesaba transfer olunacaq.

Ardını oxu...

Rəqabətli hərrac: 6 dövlət əmlakına 12 sifariş verildi

Əmlak Məsələləri Dövlət Komitəsi tərəfindən aprelin 9-u dövlət əmlaklarının özəlləşdirilməsi üzrə növbəti hərrac keçirilib. Hərracda 6 dövlət əmlakı üzrə 12 sifariş qəbul olunub. Özəlləşən dövlət əmlakları Bakı, Gəncə, Şabran və Lənkəranda yerləşir. Onlara kiçik dövlət müəssisələri və qeyri-yaşayış sahəsi aiddir.

Ardını oxu...

Mayın ilk hərracı: özəlləşməyə 85 dövlət əmlakı çıxarıldı

Vətəndaşlar sadə prosedurlardan keçməklə dövlət əmlaklarının özəlləşdirilməsində rahatlıqla iştirak edə bilər. Əmlak Məsələləri Dövlət Komitəsi tərəfindən keçirilən hərraclarda yaradılan imkanlar ilə hər kəs onlayn formada seçdiyi əmlakın sifarişçisinə çevrilir. Müasir hərrac sistemi ilə sifarişçilər və adi şəxslər olduğu məkandan prosesə elektron formada qoşula bilir.

Ardını oxu...

“Əmlakını qeydiyyata al və mülkiyyətinə sahib ol” kampaniyası bu həftə Binəqədi qəsəbəsində davam edəcək

Əmlak Məsələləri Dövlət Komitəsi daşınmaz əmlakın qeydiyyatı xidmətlərini ünvanlarda göstərərək əlavə vaxt itkisini aradan qaldırır. “Əmlakını qeydiyyata al və mülkiyyətinə sahib ol” kampaniyasının hər həftə ayrı-ayrı kənd və şəhərlərdə keçirilməsi ilə hər kəsin xidmətdən istifadə imkanı təmin edilir.

Ardını oxu...

İntensiv xarakter alan “Kütləvi çıxarış” kampaniyası Şamaxıda: sosial dəstək nümunəsi olaraq qeydiyyat xidmətləri ahıl və fiziki məhdudiyyətli sakinlərin evlərində göstərilib

Vətəndaş məmnuniyyəti və rahatlığını daim ön planda saxlayan Əmlak Məsələləri Dövlət Komitəsi keçirdiyi sosialyönümlü tədbirlərin əhatə dairəsini genişləndirir. Komitənin qeydiyyat xidmətlərini birbaşa ünvanlarda əhaliyə çatdıran, onların vaxt itkisi olmadan çıxarış əldə etməsinə imkan yaradan “Kütləvi çıxarış” kampaniyası intensiv xarakter almaqdadır. Daha bir rayonun sakinləri çıxarışlarını yaşadıqları məkandaca əldə etdilər.

Ardını oxu...

İlin ilk 3 ayı ərzində 193 - Çağrı Mərkəzinə 4 mindən çox müraciət daxil olub

Vətəndaşların daşınmaz əmlakla bağlı müraciətlərinin interaktiv qəbulu Əmlak Məsələləri Dövlət Komitəsinin 193 nömrəli Çağrı Mərkəzi vasitəsilə aparılır. Komitənin fəaliyyəti ilə bağlı ünvanlanan bütün müraciətlər mərkəz tərəfindən operativ və əhatəli formada cavablandırılır. Müvafiq qurum və idarələrdə göstərilən xidmətlərin keyfiyyətinin artırılması, şəffaflığın, məmnunluğun təmin edilməsi məqsədilə vətəndaşların rəy və təklifləri də qəbul edilir. Göstərilən bütün xidmətlər barədə vətəndaşlar məlumatlandırılır, prosedurlar geniş formada izah edilir. Bundan başqa Çağrı Mərkəzi hüquqi yardım almaq istəyən vətəndaşların da müraciətləri qəbul edir.

Ardını oxu...

Əmlak Məsələləri Dövlət Komitəsindən növbəti sosial aksiya: 99 yaşlı paytaxt sakininə evində çıxarış təqdim olundu

Əmlak Məsələləri Dövlət Komitəsi vətəndaş məmnunluğunun yüksəldilməsi, əhalinin daha rahat və çevik qaydada xidmətlərdən yararlanması istiqamətində sosial tədbirlərin sayını artırır. Komitə bu dəfə də sosiallıq prinsipinə əməl edərək fərqliliyə imza atdı. Belə ki, kampaniya paytaxtın 99 yaşlı sakininə elə ünvanındaca, yaşadığı evdə əmlakına dair çıxarış təqdim etdi. Həyata keçirilən bu sosial addım dövlətin vətəndaşlara göstərdiyi qayğının nəticəsidir.

Ardını oxu...

Daşınmaz əmlakın lizinqinin dövlət qeydiyyatına alınması və ləğvini onlayn həyata keçirin

Əmlak Məsələləri Dövlət Komitəsi tərəfindən göstərilən xidmətlərə daşınmaz əmlakın lizinqinin dövlət qeydiyyatına alınması və bu qeydiyyatın ləğvi də aiddir. Bu xidmətlər daşınmaz əmlakın lizinqinin dövlət qeydiyyatına alınması və qeydiyyatın ləğvi üçün müraciətlərin qəbulu, işin icra tarixi barədə bildirişlərin verilməsi, işin icrasından imtina edildiyi hallarda bu barədə xidmət istifadəçilərinin məlumatlandırılması kimi məsələləri əhatə edir. Daşınmaz əmlakın lizinqinin dövlət qeydiyyatına alınması və ləğvi xidmətləri Əmlak Məsələləri Dövlət Komitəsinin müvafiq qurumlarında (Əmlak Xidmətləri Məkanı və Daşınmaz Əmlakın Dövlət Reyestri Xidmətinin ərazi idarələrinin və ya rayon şöbələrinin inzibati binaları) və ya elektron formada göstərilir.

Ardını oxu...

2 aprel hərracında hansı dövlət əmlakları özəlləşdirildi?

Əmlak Məsələləri Dövlət Komitəsinin keçirdiyi hərraclarda iştirakla vətəndaşlar rahat formada əmlak sahibinə çevrilə bilir. Bu istiqamətdə sadələşdirilmiş xidmətlər hərraclarda aktivliyi yüksəldir, prosesə marağı artırır. Özəlləşdirməyə çıxarılan dövlət əmlakları üzrə geniş seçimin olması isə hər kəsin arzuladığı əmlaka sahib olmasına şərait yaradır. Aprelin 2-si keçirilən hərracda vətəndaşlar təklif olunan bu imkanlardan istifadə etdi. Budəfəki hərracda  8 dövlət əmlakı üzrə 12 sifariş verilmişdir.

Ardını oxu...

Uzufruktun dövlət qeydiyyatına alınması və ləğvi necə aparılır?

Uzufrukt daşınmaz əmlakın elə yüklülüyüdür ki, bu zaman xeyrinə yüklülük müəyyənləşdirilən şəxs ondan istifadə etmək və fayda götürmək hüququna malikdir. Lakin mülkiyyətçidən fərqli olaraq uzufruktuar daşınmaz əmlakı girov qoymaq, özgəninkiləşdirmək və ya vərəsəlik üzrə vermək hüququna malik deyildir. Daşınmaz əmlak üzərində uzufruktun dövlət qeydiyyatına alınması və ləğvi xidmətləri Əmlak Məsələləri Dövlət Komitəsinin müvafiq qurumlarında və elektron formada göstərilir.

Ardını oxu...

“Əmlakını qeydiyyata al və mülkiyyətinə sahib ol” kampaniyasının yeni qrafiki: bu həftə içi iki ünvanda keçiriləcək

Əmlak Məsələləri Dövlət Komitəsinin “Əmlakını qeydiyyata al və mülkiyyətinə sahib ol” kampaniyası yeni qrafiklə vətəndaşların ünvanında olacaq. Belə ki, vətəndaş məmnunluğunun artırılması üçün bu sosial kampaniya bu həftə ərzində iki ünvanda keçiriləcək.

Səyyar xidmət avtobusu 2-3 aprel tarixlərində Binəqədi rayonu, 28 May qəsəbəsi, 8-ci küçədə, (Qəsəbə İcra Nümayəndəliyinin inzibati binasının qarşısında) vətəndaşların xidmətində olacaq. Aprelin 4-ü və 5-də isə Binəqədi rayonu, Binəqədi qəsəbəsi, G.Ramazanov küçəsi 36 ünvanında (Qəsəbə İcra Nümayəndəliyinin inzibati binasının qarşısında) qeydiyyat xidmətləri göstərəcək.

Ardını oxu...

Hərraclara qoşularaq dövlət əmlaklarının özəlləşməsində iştirak et: 30 aprel hərracına 92 dövlət əmlakı çıxarıldı

Dövlət əmlaklarının özəlləşdirilməsi prosesi ölkə üzrə müxtəlif iqtisadi sahələrə investisiyanın yatırılması və qeyri-neft sektorunun inkişafı baxımından mühüm əhəmiyyət kəsb edir. Bu istiqamətdə Əmlak Məsələləri Dövlət Komitəsinin keçirdiyi açıq və innovativ hərraclar sərmayəçilərin, sahibkarların, iş adamlarının və digər şəxslərin özəlləşmədə rahat iştirakına yönəlib. Müasir hərracın üstünlükləri seçim prosesindən hərracda iştiraka qədər bütün prosedurları onlayn formada həyata keçirmək imkanlarını yaradır.

Əmlak Məsələləri Dövlət Komitəsi tərəfindən növbəti hərraclardan biri 30 aprel tarixində keçiriləcək. Budəfəki hərraca ümumilikdə 92 dövlət əmlakı çıxarılıb. Bunlardan 22-si  səhmdar cəmiyyəti, 49-u kiçik dövlət müəssisəsi, 11-i qeyri-yaşayış sahəsi, 3-ü yarımçıq tikili, 7-si isə nəqliyyat vasitəsidir. Özəlləşməyə çıxarılan kiçik dövlət müəssisə və obyektlərinin ümumi faydalı sahəsi 20 kv.m ilə 3813 kv.m arasındadır. Dövlət obyektləri təyinat və ərazi baxımından da müxtəlifdir. Onlar arasında təmir-tikinti, xidmət, aqrar və digər sahələr üzrə kifayət qədər dövlət əmlakları var. Bu da investorların biznes layihələri üzrə daha uyğun  seçim etmələrinə şərait yaradır. İsmayıllı şəhəri, Heydər Əliyev prospektində yerləşən 45 saylı Təmir Tikinti Sahəsinin ümumi faydalı sahəsi 555.1 kv.m-dir. Qeyd edək ki, bu dövlət əmlakı 5.4 min kv.m-lik torpaq sahəsi ilə birgə özəlləşdirilməyə çıxarılıb.

Özəlləşməyə çıxarılan qeyri-yaşayış sahələrinin isə ümumi faydalı sahəsi 21.7 kv.m ilə 140 kv.m intervalındadır. Bu növ dövlət əmlaklarından 6-sı Bakıda, 5-i Sumqayıtdadır. Ümumi faydalı sahəsi 49.4 kv.m olan qeyri-yaşayış sahəsi Sumqayıt şəhəri, 10-cu mikrorayonda yerləşir. Qeyri-yaşayış sahəsini özəlləşdirən şəxs ondan ofis və xidmət obyekti kimi istifadə edə bilər.

Səhmdar cəmiyyətlərinin 30-45%-lik dövlətə məxsus səhm paketləri hərraca çıxarılıb. Təmir-tikinti, nəqliyyat, kənd təsərrüfatı və digər iqtisadi sahələrə aid olan dövlət əmlakları Yevlax, Beyləqan, İsmayıllı kimi şəhər və rayonlarda yerləşir.

Budəfəki hərraca çıxarılan avtomobillərin buraxılış tarixləri 1998-2007-ci illərə aiddir. Nissan, Qaz, Kia markalı bu nəqliyyat vasitələrinin ilkin hərrac qiymətləri 1.5 min ilə 7 min arasındadır.

Bütün dövlət əmlakları haqqında ətraflı məlumat əldə etmək və özəlləşdirilmə hərraclarına qoşulmaq istəyən şəxslər komitənin rəsmi saytına (emdk.gov.az) və Özəlləşdirmə portalına (privatization.az) daxil ola bilər. Əmlak Məsələləri Dövlət Komitəsi investorları, iş adamlarını və əmlak sahibi olmaq istəyən hər kəsi özəlləşmədə fəal iştiraka dəvət edir.

 


 
 
 

Sorğu

Daşınmaz əmlakın inventarlaşdırılması barədə məlumatlısınızmı?